Sermiyanonê “Akademiya Zonê Zazaki-Austriya“, qursê Zazaki ziyaret kerd!

RaaMa – 11e Guciga 2016 ra nato, wendisxanê Viyana-VHS Favoriten (Volkshochschule Favoriten) de, ju qursê (kursê) zonê Zazaki esto. Nu qurs, roca Çarseme arê saete 18:00 be 20:00ine de yeno vinitene. İye ke sone ni qursi, 6 (şeş/ses) hefto de 12 (des u dı) dersê de zonê xo musene. Qurs, sebeta “düşto vıren“o (A1). Sermiyanonê “Akademiya Zonê Zazaki-Austriya“, hefto dıen de (roca 17e Gucige), şi diyarê ni qursi. Arê ni sermiyano de Ali Dikme, Süleyman Özdek u Zeynep Arslan bi.

Akademiya Zonê Zazaki-Austriya (Zazaki Sprachakademie-Österreich), serra 2012 de kewt meydan. A serra ra nato, sebata zonê Zazaki phoşt dano, dest erzeno xêle kar u guriyo. Sermiyanena na komela de Ali Dikme, Zeynep Arslan, Hüseyin Şimşek, Süleyman Özdek u Bülent Tosun erğat de re. Komele, werte Nisana 2014 be Nisana 2015 de (asme de ju) pelga zonê Zazaki “Raa Ma” vete. Emrê na pelge, 10 (des) amorê ont. Hama hama ju serre ra dıma, Guciga 2016 de, na raya na komele ju pencerê interneti ard meydan. Namê ni penceri ki “Raa Ma”o. Yane “Raa Ma”, teyna ju serre are da cı. Ju serrê ra tepya, unca ame raşte.

21.02.2016

NUSTE VIRENİ ...